236/2015 DEKRETUA

1. SARRERA BIKO TAULA: HELBURUAK ETA EBALUAZIO IRIZPIDEAK ERLAZIONATU

HELBURUAK	EBALUAZIO IRIZPIDEAK
1) Hizkuntzaren zenbait erabilera-eremutan sortutako ahozko, idatzizko eta ikus-entzunezko diskurtsoak ulertzea eta interpretatzea, zenbait motatako komunikazio-egoerei aurre egiteko.	Harreman interpertsonaletan, hedabideetan eta hezkuntzan sarri-sarri agertu ohi direnen moduko euskarri eta genero desberdinetako ahozko testuak ulertzea (ikaslearen bizipenetatik gertuen daudenak, batik bat), eta horretan, testuen zentzu orokorrari igartzea, ideia nagusiak eta bigarren mailako ideiak ondo bereiziz eta kasuan-kasuan lortu beharreko helburuak erdiesteko informazio pertinentea hautatuz.     Harreman interpertsonaletan, hedabideetan eta hezkuntzan sarri-sarri agertu ohi direnen moduko euskarri eta genero desberdinetako idatzizko testuak ulertzea (ikaslearen bizipenetatik gertuen daudenak, batik bat), eta horretan, testuen zentzu orokorrari igartzea, ideia nagusiak eta bigarren mailako ideiak ondo bereiziz eta kasuan-kasuan lortu beharreko helburuak erdiesteko informazio pertinentea hautatuz.       Harreman interpertsonaletan, hedabideetan, hezkuntzan eta literaturan sarri-sarri agertu ohi direnen moduko euskarri eta genero desberdinetako ahozko testu soil-soilak sortzea norbaiten laguntzarekin, eta horretan, bai ikus-entzunezko teknologia berriak, bai 0IKTak eta bai hitzezko zein hitzik gabeko baliabideak txukun eta egoki erabiltzea.
2) Norberaren esperientziatik gertueneko esparruetan eraginkortasunez, errespetuz eta elkarrekin lan egiteko gogoz bai ahoz eta bai idatziz komunikatzeko gai izatea, unean uneko komunikazio-premiei behar bezala erantzuteko.	Eguneroko egoera interaktiboetan parte hartzea, eta horretan, komunikazio-trukearen oinarrizko arauak errespetatzea
3) Hizkuntzen erabileraren oinarrizko konbentzio eta arauei buruz gogoeta egitea, eta konbentzio zein arauok behar bezala aplikatzea, testuak ulertzeko eta sortzeko prozedura nagusiak aintzat hartuta.	Eguneroko egoera interaktiboetan parte hartzea, eta horretan, komunikazio-trukearen oina­rrizko arauak errespetatzea.  Testu, enuntziatu eta hitzak elkarrekin alderatu eta transformatu, eta hizkuntza-sistemari eta hizkuntzaren erabilera-arauei buruz gogoeta egiteko gai izatea, eta ezaguera horiek ulermen-arazoak konpontzeko eta testualizazio- eta berrikusketa-prozesuak hobetzeko erabiltzea
4) Hainbat generotako literatura-testuak irakurtzea eta entzutea, eta, hala, literaturaz gozatzen ikastea, horrek sentsibilitate estetikoan aurrera egiteko, norberaren hizkuntza-ondarea aberasteko eta identitate kulturala eraikitzeko aukera ematen duen aldetik.	Irakurtzeko ohitura izatea, eta literatura gozamen-iturritzat eta mundua ezagutzeko bidetzat hartzea.        Gai izatea bai haur-literatura klasikoko eta bai gaur egungo haur-literaturako testuak ulertzeko eta erreproduzitzeko, eta horretan, ahozko nahiz idatzizko literaturari eta konbentzio literario espezifikoei buruzko norberaren ezaguerak erabiltzea.
5) Eskolako eta norbera bizi den inguruneko hizkuntza-aniztasuna aintzat hartzea, aniztasun horrekiko jarrera positiboa barneratzeko, eta hizkuntzak komunikaziorako baliabide eraginkortzat eta kultura-ondaretzat hartzea, portaera linguistiko enpatikoak garatzeko eta euskara eguneroko bizitzan erabiltzeko.	Norberaren ikasgelako, eskolako eta etxe inguruko errealitate linguistikoa zein den jakitea, eta errealitate linguistiko hori balioestea.   Norberaren inguruan hitz egiten diren hizkuntzak identifikatzea eta balioestea. Ohitura eta jokabide linguistiko asertibo eta enpatikoak hartuz joatea, eta eskolan euskaraz hitz egitearen aldeko jarrera izatea
6) Informazioaren eta komunikazioaren teknologiak gero eta autonomia handiagoz erabiltzea, informazioa lortzeko, eta elkarrekin komunikatzeko eta kooperatzeko.	Informazioa bilatzeko, hautatzeko, kudeatzeko eta komunikatzeko prozesuan, norbaiten laguntzarekin informazioaren teknologiak erabiltzeko gai izatea, eskolan egunero sortzen zaizkion premiei aurre egiteko.
7) Norbaiten laguntzarekin norberaren ikaskuntza-prozesuez gogoeta egitea, beste hizkuntza eta ikasgai batzuetan ikasitako komunikazio-ezaguerak eta -estrategiak transferitzeko, eta norberaren ikaskuntza-gaitasunean konfiantza izatea, komunikaziorako konpetentzia hobetzeko.	Gai izatea bere ikaskuntza linguistikoaz gogoeta egiteko, eta horretan, norberaren ikaskuntza-gaitasunean konfiantza izatea, horrela nork bere burua erregulatzen ikasteko.

       1. Zertarako izan behar du gai haurrak curriculumaren arabera?

Ikasleek Lehen Hezkuntza amaitzerakoan, haien etorkizunean modu eraginkor batean jokatzeko, ahozko, idatzizko eta ikus-entzunezko komunikazio-egoerak ulertu, interpretatu eta horiei aurre egin behar izango diete. Aldi berean, eremu eta egoera desberdinetan  ahoz zein idatziz  komunikatzeko gai izan beharko dira testuingurua kontuan hartuta, klasean irakasleekin erabili beharreko hitz egiteko era eta lagunekin erabiltzen duguna ez direlako berdina. Horretarako, hizkuntzaren barruan dauden arauak ezagutu behar izango dituzte.

Gainera, hizkuntzarekiko jarrera positiboa eta euskararen aldeko jarrera izatea sustatu nahi da, inguruko hizkuntza identifikatuz eta balioztatuz, bakoitzaren  inguruko errealitate linguistikoa eta ondare kulturala barneratzeko eta aniztasuna errespetatuz. Irakurtzeko ohitura ere sustatu nahi da, eta literatura gozamen iturritzat eta mundua ezagutzeko bide moduan hartzea lortu nahi da.

Amaitzeko, IKTak autonomiaz erabiltzeko gai izan behar dira informazioa lortzeko, eta elkarrekin komunikatzeko eta kooperatzeko.

2.  Ados zaudete curriculumak azaltzen dituen helburuekin? Zergatik?

Behin hizkuntzari eta literaturari buruzko helburuak aztertuta eta ulertuta, guztiok ados gaude dokumentuan aipatzen denarekin, batez ere, hitz egiteko, idazteko, entzuteko eta irakurtzeko trebetasunak eta estrategiak lantzea ardatz nagusia delako.

Guretzat komunikazioarekin lotuta doazen hizkuntza-trebetasunak garatzea oso garrantzitsuak dira, ikasleei aukera ematen dietelako komunikaziorako konpetentzia garatzeko eta ikasgelan ikaskideen arteko komunikazioa errazteko. Era berean, hemen daukagun egoera soziolinguistikoa kontuan hartuta, eta gure hizkuntzaren erabilera soziala normalizatu nahi bada, haurrek haien artean elkarrekin euskaraz hitz egitera bultzatu behar dela uste dugu, eta helburu hauekin hori bultzatzen da.

Hizkuntza gaitasuna barneratzerakoan eta garatzerakoan hizkuntza hartzen dugu ahozko eta idatzizko komunikaziorako instrumentu gisa, zeinekin errealitatea adierazi, interpretatu eta ulertzen dugun, ezagutzak eraiki eta jakinarazten ditugun eta pentsamenduak, emozioak eta jokabideak antolatu eta autoerregulatzen ditugun. Komunikazioari eta elkarrizketari esker besteekin harremanetan jartzen gara eta, aldi berean, beste ideiak eta kulturak ezagutzen ditugu. Baina, hezkuntza prozesuan, hizkuntza irudikapen eta ulermen-tresna bihurtzen da, liskarrak era egokian ebaztea ahalbidetzen duena eta berdintasuna bultzatzen duena.